პროგრამა შედგება ოთხი კომპონენტისგან: ​ • სათავგადასავლო ლაშქრობა, • მოხალისეობრივი საქმიანობა, • ფიზიკური რეკრეაცია, • უნარების განვითარება. პროგრამაში ჩართულმა ახალგაზრდამ თითოეულ ამ კომპონენტში კონკრეტული, რეალისტური და დროში გაწერილი მიზნები უნდა დაისახოს და 6 თვის განმავლობაში შეასრულოს. მონაწილემ დასახული მიზნების მიღწევა რეგულარულად უნდა ასახოს პროგრამის ონლაინ წიგნაკში (Online Record Book). ​ ყველა დასახული მიზნის წარმატებით გადალახვის შემთხვევაში, მონაწილე საერთაშორისოდ აღიარებულ ენიბურგის ჰერცოგის ბრინჯაოს, ვერცხლის ან ოქროს ჯილდოს მოიპოვებს.

https://static.wixstatic.com/media/ccc925_079c34e06d2c41a290dab996f179bcf5~mv2.png სათავგადასავლო ლაშქრობის კომპონენტი ხელს უწყობს შეუპოვრობის, დაბრკოლებების გადალახვისა და ახალი აღმოჩენებისკენ მისწრაფების უნარების განვითარებას. მონაწილეები მცირე ჯგუფებში სწავლობენ, თუ როგორ დაგეგმონ და განახორციელონ უსაფრთხო და საინტერესო ლაშქრობა მათთვის უცნობ გარემოში კვალიფიციურ მენტორებთან ერთად. მაგალითად, მონაწილეები მიზნად ისახავენ აღმოაჩინონ ბორჯომ-ხარაგაულის ეროვნული პარკის ულამაზესი ბუნება და დაფარონ ბორჯომის 34 კმ-იანი პანორამების ბილიკი 2 დღეში. ოქროს კომპასი აორგანიზებს სათავგადასავლო ლაშქრობებსა და მათ წინა მოსამზადებელ ეტაპებს ედინბურგის ჰერცოგის საერთაშორისო ჯილდოს მოთხოვნების შესაბამისად.

https://static.wixstatic.com/media/ccc925_c935b531259c44218fa17f267190bd6c~mv2.png მოხალისოებრივი საქმიანობის კომპონენტის ფარგლებში მონაწილეებს მოეთხოვებათ, გააკეთონ თემისათვის სასარგებლო საქმე, რაც მათ ეხმარება, ჩამოყალიბდნენ პასუხისმგებლიან მოქალაქეებად, განივითარონ ემპათიის გრძნობა და კომუნიკაციის უნარები. მაგალითად, ახალგაზრდა მიზნად ისახავს, რომ ახალგაზრდულ ცენტრში 6 თვის განმავლობაში გაუძღვეს წიგნის კითხვის კლუბს. ოქროს კომპასი ეხმარება მონაწილეს, შეარჩიოს მისთვის საინტერესო მოხალისეობრივი საქმიანობა და ორგანიზაცია, სადაც შეძლებს ამ საქმიანობის განხორციელებას და აღრიცხოს პროგრესი ედინბურგის ჰერცოგის საერთაშორისო ჯილდოს მოთხოვნების შესაბამისად. https://static.wixstatic.com/media/undefined

https://static.wixstatic.com/media/ccc925_c8f715ac198143e290915aecb1b9fcce~mv2.png ფიზიკური რეკრეაციის კომპონენტით პროგრამა ხელს უწყობს ახალგაზრდებს, ჩაერთონ სპორტულ აქტივობებში და გაჯანსაღდნენ ფიზიკურად და მენტალურად. მაგალითად, ახალგაზრდა მიზნად ისახავს, რომ, სხვადასხვა ვარჯიშის საშუალებით გაიზარდოს კუნთური მასა და გამძლეობა მომდევნო ექვსი თვის განმავლობაში, ივარჯიშოს კვირაში სამჯერ თითო საათით და გაზომოს და აღრიცხოს საკუთარი პროგრესი. ოქროს კომპასი ეხმარება მონაწილეს სწორად დაისახოს სპორტული მიზანი და ყოველკვირეულად აღრიცხოს პროგრესი ედინბურგის ჰერცოგის საერთაშორისო ჯილდოს მოთხოვნების შესაბამისად.

https://static.wixstatic.com/media/ccc925_462f7d45d15044a583aa8da11724c354~mv2.jpg უნარების კომპონენტი ხელს უწყობს ახალგაზრდებს, გააგრძელონ იმ კრეატიული ან პრაქტიკული უნარის განვითარება, რომელიც უკვე აქვთ, ან აღმოაჩინონ სრულიად ახალი ინტერესი. მაგალითად, მონაწილე მიზნად ისახავს, შეისწავლოს გიტარის საფუძვლები, 6 თვის განმავლობაში კვირაში ორჯერ დაესწროს გიტარის გაკვეთილებს და შეძლოს მინიმუმ სამი მუსიკალური ნაწარმოების შესრულება გიტარაზე დათქმულ თარიღამდე. ოქროს კომპასი ეხმარება მონაწილეს სწორად დაისახოს უნარის კომპონენტის მიზანი და ყოველკვირეულად აღრიცხოს პროგრესი ედინბურგის ჰერცოგის საერთაშორისო ჯილდოს მოთხოვნების შესაბამისად.